Posted in Uncategorized

Bente Ka Na, Kaya May Bente Ako

Oo, ang tanda mo na nga
Matanda ka at mataba pa
Tanda ko pa noong maliliit tayo
Sabi ko maliit yung posibilidad na maging malapit tayo
Tayo yung aso’t pusa eh
Ikaw yung tumatahol, ako yung kumakalmot
Pero bigla ata natin iyong nilimot
O baka naman pagod na tayo sa yamot
Pero teka, hindi naman ito tungkol dun eh
Tungkol ito sa kaarawan  mo
Yung kaarawan mong puno ng nagkalat na paputok at stick ng barbeque
Ha! Bagong taon nga, bagong buhay na rin kapatid
Bagong taon sa iba, pagbabago rin ng taon mo
Pero kelan rin kaya madadagdagan ang tangkad mo?
Kasabay sa numero ng edad mo?
Bagong taon na, tumalon ka ba?
20 ka na ngayong 2017
Kaso mukha ka pa ring seventeen
Pero alam mo namang mahal kita diba?
Kahit sa text ko lang nasasabi
Kahit kapag tulog lang habang nahilik
Matanda ka na, mataba pa
Kaya sana maisipan mo ring awayin yung mga pagkain
Kasi puro ka kain
Tula pa ba ito?
Mahilig ka kasi sa mga uso
Naku, hindi ko na alam kung konektado
Hindi kasi ako magaling dito
Oo, asan na ako? Ah! Uso.
Uso dito, uso dyan, hanggang humaba na yung nguso
Pero dalang-dala mo naman ate
Dala mo lahat ng kolorete
Sa katawan mo na mura nga pero maganda
Mabait na anak, pandak nga lang
Mapagbigay, kahit yung wallet wala ng laman
Magaling ka rin at maganda
O ayan, nakangiti ka na ba?
Yung bente ko mamaya ha?
Wag mong kalilimutan kapag binati kita.

“Mahal kita. Peksman. Walang titibag.”

HAPPY BIRTHDAY MALDZ! I LOVE YOU FROM THE MOON AND BACK. ♥♥♥

nagmamahal,
Shaye