Posted in Uncategorized

Bagong Kwento

Ikaw iyong napaginipan ko nung isang gabi. Yung lalaking humawak sa kamay ko habang nakangiti. Hindi ko alam kung bakit napangiti rin ako. Basta pakiramdam ko malapit ka sa akin, kasing-lapit ng palad mo sa palad ko. Kita ko ang mga mata mo habang nakapikit ang akin. Kita ko ang mga ngiti mo habang yung labi ko naglalaway na ata. Pagtapos nun, dumating na ang umaga. Dumating ang malamig na umaga, kasabay ng mainit na sinag ng araw at pagmulat ko, pagbukas ng inaantok ko pang mga mata, wala ka na. Hindi ko na maaninag ang iyong mukha. Hindi ko na maramdaman iyong koneksyon natin habang ako ay nakapikit. Tila ba binawi ng paggising ko ang katotohanang hindi totoo ang mga nakita ko. Tila ba sinampal ako sa riyalidad na sa panaginip ka lang magiging totoo. At oo, sa panaginip nga lang tayo nagkatagpo.
Pero sana, ngayong pinatuloy ko ang bagong taon kasabay ng paggising ng bagong umaga, sana makita kita. Sana tumuloy ka rin para magkaroon tayo ng tulay at magkatagpo sa gitna ng lahat ng ito– sa gitna ng gulo, sa gitna ng riyalidad at ilusyon ko.

Sana magkita tayo habang nakamulat ang pareho nating mga mata, nakangiti ang mga labi at magkahawak ang mga kamay.

Walang pag-aalinlangan kung ang lahat ba ng ito ay sadyang panaginip lang. Walang pangamba na baka bukas, paggising ko wala ka na– naman.

Sana ito na yung bagong kwento na magbubukas ng mas magandang pinto, magsusulat ng mas magandang libro at maglilipat ng bagong pahina. Sana ito na iyong pagkakataon natin para sa riyalidad na magtagpo at hindi na lang sa panaginip.
Ngayong bagong taon, sana dumating ka na. Sana buksan mo na ang pinto ng puso kong walang susi. Sana ikaw na iyon.

Sana… minamahal kong hinaharap.


In celebration of New Year! 2017 hooray! GOD BLESS US ALL EVERYONE! ♥♥♥

Advertisements

Author:

A Christian. A Filipino. Cupcake mania. A simple person. Writer. Blogger. K-fangirl. "Psalm 63:3"

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s